შეარჩიე ლამინირებული იატაკი მოდუსთან ერთად

შეარჩიეთ საუკეთესო ლამინირებული იატაკი მოდუსთან ერთად

იატაკის შერჩევა, არის ერთერთი გადამწყვეტი კომპონენტი სახლის დიზაინის ჩამოყალიბებისას.
სტატისტიკამ აჩვენა, რომ ლამინირებული იატაკი არის ყველაზე ხშირად გაყიდვადი იატაკის საფარი, რომელიც აერთიანებს პრაქტიკულობას, გამძლეობას და ხელმისაწვდომობას. მისი შიგთავსი დამზადებულია გადამუშავებული ნატურალური ხისა და წებოსაგან. ზემოდან კი გადაკრული აქვს ნესტგამძლე პრიალა ზედაპირი.

ბაზარზე გვხვდება სხვადასხვა კლასის ლამინატი, მაგალითად 31, 32 და 33. რაც უფრო მაღალია კლასის მაჩვენებელი, ხარისხიც უკეთესია.

ლამინირებული იატაკი ძალიან კარგად იმეორებს ბუნებრივი ხის ვიზუალს. მოდუსში ლამინირებული იატაკის შერჩევისას შეხვდებით ხანდაზმული მუხის, კაკლის მდიდრულ და სხვა მრავალ დიზაინს. ასორტიმენტის მრავალფეროვნება იმის გარანტის იძლევა რომ აუცილებლად შეარჩევთ თქვენი გემოვნებისა და სახლის დიზაინის შესაფერის მოდელებს.

ლამინირებული იატაკის კიდევ ერთი დიდი უპირატესობა გახლავთ მისი მონტაჟის სიმარტივე. ქლიქ-ლოქ სისტემის წყალობით მისი მონტაჟი არაპროფესიონალსაც კი შეუძლია. ეს სისტემა ფილებს ისე მჭიდროდ აკავშირებს ერთმანეთთან, რომ არ არის საჭირო ლურსმნების ან წებოს გამოყენება. გასათვალისწინებელია ისიც, რომ ლამინირებული იატაკის დაგება შესაძლებელია სხვადასხვა მასალის ზედაპირზე, რაც ამარტივებს რემონტის მსვლელობას.

იატაკის დაგებისას, აუცილებლად უნდა გამოიყენოთ ღრუბელი, ის ერთის მხრივ ხმის იზოლატორია, მეორეს მხრივ კი ხელს უშლის ოთახში ნესტის შემოღწევას. მოდუსში შეგიძლიათ შეიძინოთ სხვადასხვა სისქის დაჭრილი თუ დაუჭრელი ღრუბელი.

ლამინირებული იატაკის მოვლა ძალიან მარტივია. მისი დამცავი ზედაპირი უზრუნველყოფს რომ უბრალო, ნოტიო იატაკის საწმენდის გამოყენებით შენარჩუნდეს იდეალური სისუფთავე. ნატურალური ხისგან განსხვავებით, ლამინირებულ იატაკს დროთა განმავლობაში არ ჭირდება მასტიკის წასმა ან რაიმე სხვა სახის დამუშავება.

საბოლოოდ, რაც უფრო სწორად შეარჩევთ ლამინირებული იატაკის მოდელს, მით უფრო მეტად გაადვილდება როგორც დაგება, ასევე მისი წლების განმავლობაში მოვლა. მოდუსში გთავაზობთ იატაკის
საფარის ძალიან დიდ ასორტიმენტს, რომელიც დააკმაყოფილებს ყველა გემოვნების მომხმარებელს. გვაქვს როგორც უმაღლესი ხარისხის, ასევე შედარებით
ბიუჯეტური მოდელებიც. იდეალური ლამინატის შერჩევით, თქვენ მიიღებთ დახვეწილ
დიზაინს და ხარისხს, ჩვენი მისიის შესაბამისად - „აშენე მომავალი დღეს!“