შეარჩიე კარი მოდუსთან ერთად

მოდუსთან ერთად შეარჩიე იდეალური კარები სახლისთვის

სახლისთვის კარების შერჩევა ძალიან მნიშვნელოვანია, სწორად მიღებული გადაწყვეტილება გავლენას ახდენს
როგორც დიზაინზე, ასევე ფუნქციონალზე. მოდუსში, ჩვენ კარგად ვიცით რომ კარი დიდ როლს თამაშობს საერთო სურათზე, იქნება ეს შიდა, თუ გარე - რკინის კარი. აი რა უნდა იცოდეთ სახლისთვის იდეალური კარების შერჩევისას.

როსა საქმე ეხება შიდა კარს, გასათვალისწინებელია რომ მდფ კარები არის ყველაზე ოპტიმალური არჩევანი. მასალა მდფ - MDF (Medium Density Fiberboard - საშუალო სიმკვრივის ბოჭკოვანი დაფა) დამზადებულია ნატურალური ხის ბოჭკოებისა და ფისისგან, რომელიც არის გამძლე, მსუბუქი და რაც მთავარია ადვილად ხელმისაწვდომი. მდფ-ის კარები დაფარულია სხვადასხვა დიზაინის ნესტგამძლე ფირით, რაც საშუალებას გვაძლევს შევარჩიოთ ჩვენი ინტერიერის შესაფერისი ვიზუალი და გამოვიყენოთ ჩვენთვის სასურველ ოთახში, მათ შორის სააბაზანოშიც კი. გარდა ამისა, მდფ არის გამძლე მასალა, წლების
განმავლობაში არ იბზარება და არ კარგავს მთლიანობას.

კარის ფრთის დიზაინისა და ზომის შერჩევის შემდეგ, აუცლებლად დაგჭირდებათ კარის ჩარჩო. ჩარჩოები ყოველთვის არის კარის შესაფერისი დიზაინის, მაგრამ განსხვავებული ზომების. ზომის შერჩევისას ერთადერთი რაც უნდა გავითვალისწინოთ, არის იმ კედლის სისქე, სადაც კარის ჩამონტაჟებას ვაპირებთ.

საჭირო ზომის კარის ჩარჩოს შერჩევა:

10 სმ ზომის ჩარჩო ფარავს 10-დან 12.5 სმ ჩათვლით სისქის კედელს.
15 სმ ზომის ჩარჩო ფარავს 15-დან 17.5 სმ ჩათვლით სისქის კედელს.
20 სმ ზომის ჩარჩო ფარავს 20-დან 22.5 სმ ჩათვლით სისქის კედელს.
10 სმ ზომის ტელესკოპური ჩარჩო ფარავს 10-დან 19 სმ ჩათვლით სისქის კედელს.

გარე კარის შერჩევისას, ადამიანთა დიდი უმრავლესობა არჩევანს
აკეთებს რკინის კარებზე. თუ მდფ კარის შემთხვევაში შესარჩევი გვქონდა მხოლოდ დიზაინი და ზომა, რკინის კარის შემთხვევაში აუცილებლად უნდა გავითვალისწინოთ კარის გაღების სასურველი მიმართულებაც. გაღების საჭრო მიმართულების შერჩევა ძალიან მარტივია. მიმართულების ათვლა იწყება სახლის გარედან, ანუ სადარბაზოდან.
წარმოიდგინეთ რომ დგახართ სადარბაზოში სახლის კართან: თუ გინდათ რომ კარი შეიღოს სახლის მხარეს და მარჯვნივ, ანუ ანჯამები ეკიდოს მარჯვენა მხარეს და სახელური მარცხნივ, ეს ნიშნავს რომ უნდა შეიძინოთ შიდა მარჯვენა გაღების კარი.

სულ გვაქვს 4 მიმართულება. ესენია:

შიდა მარჯვენა გაღება
შიდა მარცხენა გაღება
გარე მარჯვენა გაღება
გარე მარცხენა გაღება.

მოდუსში წარმოდგენილია სხვადასხვა დიზაინის, ზომის, ფერის, მასალისა და სტილის გარე კარები. მათ შორის
ყველაზე დახვეწილი მოდელებია რკინისა და მდფ-ის მიქსით დამზადებული კარები. კარის გარე მხარე არის მეტალის, რაც უზრუნველყოფს სიმყარესა და უსაფრთხოებას, შიდა მხარე კი არის მდფ-ის, რაც სახლს უნარჩუნებს სიმყუდროვეს.

კარების შერჩევისას მოქმედებს სხვადასხვა ფაქტორი, როგორიცაა ფასი, დიზაინი და ფუნქციონალი. მოდუსში ჩვენ გთავაზობთ მდფ-ისა და რკინის კარების დიდ ასორტიმენტს, ასევე მრავალფეროვან კარის აქსესუარებს. სწორად შერჩეული კარებით თქვენ შეგიძლიათ გააუმჯობესოთ სახლის დიზაინიც და უსაფრთხოებაც, რაც შეესაბამება ჩვენს მისიას,
ვაშენოთ მომავალი დღეს!