შეარჩიე მოდუსთან ერთად სრულყოფილი უნიტაზი

უნიტაზის სწორად შერჩევა იმაზე ბევრად მნიშვნელოვანია, ვიდრე ერთი შეხედვით ჩანს. კარგი უნიტაზი გვთავაზობს კომფორტს, გამძლეობას, ეფექტურობას და კარგად ერწყმის ტუალეტის დიზაინს. 

ბაზარზე გვხვდება განსხვავებული ტიპების, ჩარეცხვის სხვადასხვა მექანიზმის, მასალის, დიზაინის, ფერის და სხვა მახასიათებლების მიხედვით განსხვავებული უნიტაზები. ეს სტატია დაგეხმარებათ თქვენი საჭიროებების იდენტიფიცირებასა და საუკეთესო ვარიანტის შერჩევაში.

უნიტაზის ტიპები

თქვენ შეხვდებით სხვადასხვა ტიპის უნიტაზს, ყველა მადგანს აქვს თავისი უპირატესობები:

• დასადგამი უნიტაზი ავზით: ეს გახლავთ ტრადიციული ტიპის უნიტაზი და მას ყველაზე ხშირად შეხვდებით. როგორც წესი ასეთი ტიპის უნიტაზები სხვებთან შედარებით ბიუჯეტურია, ადვილია გადაზიდვა და დაზიანების შემთხვევაში შეკეთება.
• დასაკიდი უნიტაზი:დასაკიდი უნიტაზი არის შედარებით თანამედროვე და  მინიმალისტური დიზაინი. მისი ავზი და მექანიზმი არის ჩაშენებული კედელში, გარედან კი ამავე მექანიზმის კარკასზე, ბოლტების მეშვეობით იკიდება უნიტაზი.
• კუთხის უნიტაზი: დიზაინი შექმნილია ტუალეტებისთვის, სადაც ყოველი სანტიმეტრი მნიშვნელოვანია და უნიტაზის კუთხეში დამონტაჟება გვიწევს ადგილის სიმცირის გამო.

ჩარეცხვის ტიპები და მექანიზმები

ჩარეცხვის მექანიზმი და ტიპი გათვალისწინება ერთერთი ყველაზე მნიშვნელოვანი ფაქტორია უნიტაზის შერჩევისას. ჩარეცხვის შესასრულებლად მუშაობს 3 ძირითადი კომპონენტი, ესენია: ღილაკი, ავზი და ჩარეცხვის ტიპი. 

ამ მოქმედების შესასრულებლად ჩვენ ვაჭერთ ღილაკს, შემდეგ ავზიდან უნიტაზისკენ მიემართება წყალი და ბოლოს უნიტაზში ხდება ამ წყლის სხვადასხვა ტიპით გამოდინება - იგივე ჩარეცხვა.

ღილაკები

თანამედროვე ღილაკების უმრავლესობა შედგება ორი ნაწილისგან, ერთზე დაჭერით ხდება ეკონომიური ჩარეცხვა, ანუ იცლება ავზის მხოლოდ გარკვეული ნაწილი, მეორე ღილაკზე დაჭერით კი ხდება სრული ჩარეცხვა, ამ დროს იცლება ავზის მთლიანი წყლის მარაგი.

არსებობს სენსორული ჩარეცხვის უნიტაზებიც, სადაც კონკრეტულ ადგილზე ხელის შეხებით ხდება ჩარეცხვა.

ავზები

გვაქვს ავზის მუშაობის ორი მეთოდი, ესენია გრავიტაციული და პნევმატური.

• გრავიტაციული ჩარეცხვა: ეს არის ტრადიციული და ძალიან მარტივი მექანიზმი. ავზში დაგროვილი წყალი ჩარეცხვისას გრავიტაციის ძალით მიედინება უნიტაზისკენი.
• პნევმატური ჩარეცხვა: ღილაკზე დაჭერისას ავზში იქმნება მაღალი წნევა, რაც წყალს უნიტაზისკენ შედარებით დიდი სისწრაფით გამოტყორცნის და ჩარეცხვა უფრო ეფექტურად ხდება.

ჩარეცხვის ტიპები

• წრიული: ეს არის ჩარეცხვის ერთერთი ყველაზე გავრცელებული მეთოდი, უნიტაზის ყელის უკანა მხრიდან წყალი გამოდის ჭავლით, შემოევლება მთლიან ყელს და ჩარეცხავს უნიტაზს.
• წერტილოვანი: წერტილოვანი ჩარეცხვის მეთოდი წააგავს წრიულს, მხოლოდ ის განსხვავებაა რომ უნიტაზის ყელი დახურულია და როდესაც მას წყალი შემოევლება, რამდენიმე სანტიმეტრიანი დაშორებებით განლაგებული ნახვრეტებიდან გამოდის წყალი.
• ანტიბაქტერიული: კლასიკური უნიტაზის შიდა ყელი არის გადმოკეცილი, ხშირად შიგნიდან ბაქტერიების ბუდედ იქცევა ხოლმე, გასაწმენდად კი ძალიან მოუხერხებელია. ანტიბაქტერიული ჩარეცხვის სისტემის მქონე უნიტაზების ყელი კი არ არის ჩაკეცილი, ყველა დეტალი ხილული და ადვილად ხელმისაწვდომია გასაწმენდან.
• ტორნადო: ჩარეცხვის ეს ტიპი არის შედარებით ახალი ტექნოლოგია. უნიტაზის ყელში მოსახვედრად წყალი ნიჟარის კედელში გადის და წინა შიდა მხარეს არსებული ნახვრეტიდან გამოდის. ნახვრეტი მახვილი კუთხით არის გვერდით გადაწვენილი და გამოსული წყლის ჭავლი ნიჟარის კედელზე მისრიალებს. ასე კედელზე გასრიალებული წყალი რამდენიმე ძაბრისებურ ბრუნს აკეთებს ნიჟარის შიდა კედლებზე და შემდეგ ჩაედინება გამავალი მილისკენ.

უნიტაზის სწორად შერჩევა არის კომფორტული სახლის მოწყობისკენ გადადგმული ერთერთი პირველი ნაბიჯი. მოდუსში დაგეხმარებით შეარჩიოთ თქვენს მოთხოვნებზე მორგებული პროდუქცია, რაც საჭიროა იმისათვის რომ აშენოთ მომავალი დღეს.