როიალ თერმო – სანდო პარტნიორი გათბობის სისტემებში

გათბობის სისტემის შერჩევა ერთ-ერთი ყველაზე მნიშვნელოვანი გადაწყვეტილებაა სახლის, ოფისის ან ნებისმიერი შენობის კომფორტის უზრუნველსაყოფად. ხარისხიანი რადიატორები და გათბობის ნაწილები პირდაპირ გავლენას ახდენს არა მხოლოდ კომფორტზე, არამედ ენერგოეფექტურობასა და ხარჯების შემცირებაზეც.
როიალ თერმო, 15+ წლიანი გამოცდილების მქონე მწარმოებელი კომპანია, სწორედ ამ მიმართულებით გვთავაზობს თანამედროვე და ინოვაციურ პროდუქციას, რომელიც უმაღლეს სტანდარტებს აკმაყოფილებს.

რატომ არის გათბობის სისტემა ასეთი მნიშვნელოვანი?

რემონტის დროს, გათბობის სისტემა ხელწამოსაკრავი ნამდვილად არ არის. სწორად შერჩეული სისტემა:

ამცირებს ენერგიის ხარჯვას;
უზრუნველყოფს ოთახში მუდმივ და თანაბარ ტემპერატურას;
ზრდის უძრავი ქონების ღირებულებას;

როიალ თერმოს პროდუქცია სწორედ იმით გამოირჩევა, რომ როგორც მცირე, ასევე დიდი ობიექტების საჭიროებებსა და მოთხოვნებზეა გათვლილი.

Royal Thermo-ს გამოცდილება და მისი უპირატესობები

კომპანია ბაზარზე უკვე 15 წელზე მეტია მუშაობს. ამ პერიოდში მან შეძლო და:

დაიმკვიდრა თავი როგორც სანდო ბრენდმა;
შექმნა გათბობის სისტემებისა და საჭირო ნაწილების ფართო ასორტიმენტი;
დანერგა ინოვაციური ტექნოლოგიები, რომლებიც თანამედროვე სტანდარტებს სრულად შეესაბამება;
შესთავაზა (და მუდმივად სთავაზობს) მომხმარებლებს ენერგოეფექტური და ხანგრძლივი რესურსის მქონე პროდუქტები.

ერთი სიტყვით, როიალ თერმოს მიზანია, თითოეულ მომხმარებელს მისცეს შესაძლებლობა, მიიღოს მაღალი ხარისხის პროდუქტი, რომელიც ერთდროულად ეკონომიური და საიმედო იქნება.

რა სჭირდება გათბობის სისტემას სრულად ფუნქციონირებისთვის

გათბობის სისტემა სხვადასხვა კომპონენტისგან შედგება. თითოეული მათგანი აუცილებელია საერთო ფუნქციონირებისთვის:

რადიატორები - სითბოს გადაცემის მთავარი წყარო;
მილის სისტემები;
სარქველები და რეგულატორები - ტემპერატურისა და წნევის კონტროლისთვის;
ცირკულაციის ტუმბოები - სისტემაში წყლის თანაბარი მოძრაობის უზრუნველსაყოფად.

როიალ თერმოს პროდუქცია ამ კომპონენტების სრულ სპექტრს მოიცავს, რაც მომხმარებელს საშუალებას აძლევს, ყველა საჭირო ნაწილი ერთ ბრენდში იპოვოს.

ერთ-ერთი ყველაზე გამორჩეული და დახვეწილი პროდუქტი, რომელიც როიალ თერმოს აქვს,რადიატორებია.

რადიატორი, მოგეხსენებათ, გათბობის სისტემის „გულია“. სწორედ ის უზრუნველყოფს ტემპერატურის გადაცემას ოთახში. სწორად შერჩეული რადიატორი ნიშნავს:

ენერგოეფექტურობას;
კომფორტს;
ხანგრძლივ მუშაობას.

როგორ უნდა შევარჩიოთ რადიატორი?

რადიატორის შერჩევისას აუცილებელია რამდენიმე ფაქტორის გათვალისწინება:

ოთახის ზომა - რაც უფრო დიდი ფართობია, მით მეტი სექცია სჭირდება.
თბოიზოლაცია - ცუდად იზოლირებული კედლები დამატებით სითბოს საჭიროებს.
ენერგოეფექტურობა - თანამედროვე რადიატორები ნაკლებ ენერგიას მოიხმარენ.
მასალა - ალუმინის, ფოლადის ან ბიმეტალური – თითოეულს თავისი უპირატესობა აქვს.
დიზაინი - თანამედროვე ინტერიერში ესთეტიკური იერიც ისეთივე მნიშვნელოვანია, როგორც ფუნქციონალურობა.

როიალ თერმო მომხმარებელს სთავაზობს სხვადასხვა ტიპის და დიზაინის რადიატორებს, რომლებიც მაქსიმალურად მორგებულია სხვადასხვა მოთხოვნებზე. თუმცა, აქ ჩნდება კითხვა, რომელიც ძალიან ბევრ მომხმარებელს აქვს. კერძოდ, რა განსხვავებაა სექციურ და პანელურ რადიატორებს შორის.

როგორია სექციური რადიატორი?

სექციური რადიატორი ცალკეული სექციებისგანაა შექმნილი. მომხმარებელს შეუძლია შეარჩიოს საჭირო რაოდენობის სექცია და შექმნას ისეთი სიმძლავრის რადიატორი, რაც მისი ოთახის ფართობს და გარემოს შეეფერება.

მახასიათებლები:

მზადდება ძირითადად ალუმინის, ფოლადის ან თუჯისგან.
სექციების რაოდენობის რეგულირება შესაძლებელია. მაგალითად, თუ ოთახი დიდია, შეგიძლიათ შეიძინოთ მოდელი, რომელსაც მედი სექცია აქვს, ხოლო თუ თქვენი საძინებელი ან მისაღები პატარაა, ნაკლები სექციის მქონე რადიატორიც გეყოფათ.
ვიზუალურად უფრო სტანდარტული და “ტრადიციულია”, ოდნავ მასიური ფორმით.

როგორია პანელური რადიატორი?

პანელური რადიატორი ერთიანი, ბრტყელი ფოლადის კონსტრუქციაა.

მახასიათებლები:

არსებობს სხვადასხვა ზომისა და სიმძლავრის მოდელები, რომლებიც შეგიძლიათ, თქვენი გემოვნების მიხედვით შეარჩიოთ.
აქვს კომპაქტური და თანამედროვე დიზაინი.
ვიზუალურად ნაკლებად მასიურია, აქვს თანამედროვე იერი და ინტერიერში უფრო თავისუფლად ინტეგრირდება.

მიუხედავად იმისა, რომ მუშაობის პრინციპი ერთნაირია, მომხმარებლებმა ქვემოთ ჩამოთვლილი რამდენიმე ფაქტორიც უნდა გაითვალისწინონ. პირველ რიგში:

ვიზუალი და დიზაინი

სექციური - შედგება ცალკეული სექციებისგან, რაც უფრო სტანდარტულ იერს აძლევს;
პანელური - გამოირჩევა ბრტყელი, მინიმალისტური და თანამედროვე დიზაინით.

ფასი

სექციური რადიატორები ხშირად უფრო ძვირია, რადგან მათი წარმოების პროცესი რთულია და შესაბამისად, მასალაც განსხვავდება.
პანელური რადიატორები კი შედარებით ხელმისაწვდომია, რადგან წარმოების ტექნოლოგია უფრო მარტივია, ბაზარზე კი რაოდენობა გაცილებით მეტი.

კონსტრუქცია

სექციურ რადიატორზე შეგიძლიათ, სექციების დამატება ან პირიქით - შემცირება.
პანელური კი ერთიანი ნაწილია და ზომა თავიდანვე სწორად უნდა შეარჩიოთ, თქვენი ბინის ან საოფისე სივრცის ფართობის მიხედვით.

არ დაგავიწყდეთ, რომ რადიატორის სწორად შერჩევა საკმარისი არ არის და მისი მოვლაც უნდა შეძლოთ.

გამოუშვით ჰაერი - საკმარისია ყოველ სეზონზე, რათა თავიდან აიცილოთ ლაქები და ზედმეტი პრობლემები;
გატესტეთ წყალი - დაამატეთ ინჰიბიტორი 5 წელიწადში ერთხელ, რათა სისტემა დიდხანს გაგიძლოთ;
არ გადააფაროთ ტანსაცმელი რადიატორს - ხშირად, ადამიანების უმეტესობა სწორედ რადიატორზე აშრობს სარეცხს: ფარდებს ან ტანსაცმელს. არადა, ნებისმიერი ბარიერი ხელს უშლის რადიატორს სითბოს გავრცელებაში.
დააყენეთ თერმოსტატური სარქველი (TRV) - ასეთ დროს, თითოეული ოთახი ცალ-ცალკე იმართება, რესურსი კი გონივრულად დაიხარჯება. შესაძლოა, ერთ ოთახში სულაც რადიატორის გამორთვა მოგინდეთ, რითაც მნიშვნელოვნად შეამცირებთ თვის ბოლოს დაგროვილ ხარჯებს.

საერთო ჯამში, გათბობის სისტემის არჩევა სიზუსტეს, ყურადღებასა და სანდო პარტნიორის პოვნას მოითხოვს. როიალ თერმო სწორედ ის ბრენდია, რომელიც გთავაზობთ სრულყოფილ გათბობის სისტემებს, ხარისხიან ნაწილებსა და რადიატორებს. თუ გსურთ, რომ თქვენი სახლი ყოველთვის თბილი და კომფორტული იყოს, ხოლო ხარჯები მინიმუმამდე შემცირდეს – როიალ თერმო არის სწორი არჩევანი. სრული ასორტიმენტის სანახავად, გადადით ლინკზე.