ელექტროლუქსი - ლიდერი ბრენდი საყოფაცხოვრებო ტექნიკის წარმოებაში

როდესაც ვსაუბრობთ საყოფაცხოვრებო ტექნიკაზე, რომელიც ყოველდღიურად გვემსახურება, მაგალითად, უთო, სარეცხი მანქანა, ჰაერის გამწმენდი, კონდიციონერი, მაცივარი, საშრობი და ა.შ. აუცილებელია, გვესმოდეს, როგორი ხარისხისაა, რამდენი აქვს ექსპლუატაციის ვადა და როგორ გამოვიყენოთ ისე, რომ მაქსიმალურად ეფექტურად იმუშაოს. ერთ–ერთი ასეთი პოპულარული შვედური ბრენდია ელექტროლუქსი, რომელიც უამრავ ქვეყანაში ძალიან მოთხოვნადია.

ელექტროლუქსის საწარმო 1919 წელს დაარსა. ანუ, ათწლეულებია, გლობალური მოთამაშეა უდიდეს ბაზარზე, რომელიც აერთიანებს ათასობით თანამშრომელსა და მილიონობით პროდუქტს.

ელექტროლუქსის დადებითი მხარეები

ინოვაციური ტექნოლოგიები და უწყვეტი განვითარება
Electrolux მომხმარებელს ენერგოეფექტურ და კომფორტულ პროდუქციას სთავაზობს. მათთვის მნიშვნელოვანია უწყვეტი განვითარება და უმაღლესი ხარისხის პროდუქციის შეთავაზება.

მრავალფეროვანი ასორტიმენტი
კომპანია არ შემოიფარგლება ერთი ხაზითა და ერთნაირი პროდუქციის წარმოებით. ისინი აწარმოებენ როგორც მსხვილ ტექნიკას (მაგ. მაცივრები, სარეცხის მანქანები, ელ. წყალგამაცხელებლები, ასევე მცირე ტექნიკას (ონკანებით დაწყებული, კონდიციონერებით დამთავრებული). რაც იმას ნიშნავს, რომ მომხმარებელთა საჭიროებების მიხედვით, შესაძლებელია ერთი ბრენდის პროდუქციიდან მთლიანი სახლის დაკომპლექტება.

დიზაინი და გამოყენების კომფორტი
შვედური დიზაინი ცნობილია სიმარტივით, ესთეტიკითა და გამართული ფუნქციონალით. ელექტროლუქსი აქცენტს აკეთებს არამხოლოდ ტექნიკურ მახასიათებლებზე, არამედ სადა, ელეგანტურ და მარტივად გამოსაყენებელ დიზაინზე, რაც თანამედროვე სახლების კომფორტულად და გემოვნებით მოწყობისთვის, აუცილებელი წინაპირობაა.

ენერგოეფექტურობა
ენერგოეფექტური მოწყობილობები, (ხშირად A+++, ან კიდევ უფრო მაღალი მაჩვენებლების მქონე) საჭიროა ეკონომიურობისთვის და ხარჯების დაზოგვისთვის. ელექტროლუქსის უამრავი კმაყოფილი მომხმარებელი სწორედ ამის შესახებ წერს. მათი თქმით, ბრენდის პროდუქციამ ოჯახებს ყოველთვიური ხარჯები შეუმცირა, რაც ელექტროლუქსის კიდევ ერთი უპირატესობაა.

სერვისი და მასშტაბები
რადგან ელექტროლუქსი კარგად ნაცნობი და მოთხოვნადი ბრენდია, მისი პროდუქცია საკმაოდ ხელმისაწვდომია, რაც მომხმარებელს არჩევანის გაკეთებას უადვილებს. მოდუსიც, ელექტროლუქსის ოფიციალური შემომტანია, რაც იმას ნიშნავს, რომ უახლესი ასორტიმენტის შეძენა სწორედ მოდუსში შეგიძლიათ. ამ უპირატესობასთან ერთასდ, ბრენდს ჩადებული აქვს ინვესტიციები კვლევაში, ხარისხის კონტროლსა და განვითარებაში, რაც ბაზარზე მეტ ნდობას იმსახურებს.

როგორ შევარჩიოთ საყოფაცხოვრებო ტექნიკა

განსაზღვრეთ საჭიროებები

თუ მაგალითად, არჩევთ სარეცხის მანქანას, დაადგინეთ, რა მოცულობა გჭირდებათ (მაგალითად,ტევადობა - 7 კგ, 8 კგ, 9 კგ)

რა ფუნქციები არის აუცილებელი (შესაძლოა, ეს იყოს სწრაფი ციკლი, ეკონომიური რეჟიმი, კონდენსაცია, ორთქლი, სენსორები და სხვ)

როგორი ფუნქციონალის მქონე გსურთ - წინა თუ ზედა ჩატვირთვის. სად დგავთ, სამზარეულოში თუ აბაზანაში და ა.შ.

ყურადღება მიაქციეთ ენერგოეფექტურობას
მაღალი კლასის, ენერგოეფექტური სარეცხის მანქანა თქვენს ხარჯებს გრძელვადიან პერსპექტივაში საკმაოდ შეამცირებს, ამიტომ, ყიდვისას აუცილებლად გაითვალისწინეთ ეს დეტალი. არამხოლოდ სარეცხის მანქანაზე, არამედ სხვა საყოფაცხოვრებო ტექნიკაზეც.

მომხმარებლების შეფასებები
21-ე საუკუნეში, ნებისმიერ საიტზე ათობით მიმოხილვა არსებობს, რაც გადაწყვეტილების მიღებაში დაგეხმარებათ. ყურადღება გაამახვილეთ ნეგატიურ შეფასებებზეც და ჩადით სიღრმეებში, თუ რა დაუწუნეს ამა თუ იმ პროდუქტს მომხმარებლებმა.

განსაზღვრეთ, რამდენად ხელმისაწვდომია სერვისი და ტექნიკის ნაწილები თქვენს არეალში
სანამ ნებისმიერ ტექნიკას შეიძენთ, განსაზღვრეთ, არის თუ არა სპეციალური მომსახურება თქვენს არეალში. იმ შემთხვევაში, თუ რამე ნაწილი გაგიფუჭდათ და გამოცვლა გჭირდებათ, შეძლებთ თუ არა მის მარტივად და ბიუჯეტურად პოვნას.

გარანტია
ხარისხიან მოწყობილობებს გრძელვადიანი და კარგი პირობების მქონე გარანტია აქვს. ყიდვამდე, შეამოწმეთ, პირობები და მსგავსი ტიპის დეტალები.

აიღეთ ზომები
გამოითვალეთ სივრცე, სადაც მოწყობილობა განთავსდება, რათა თავიდან აირიდოთ ზედმეტი პრობლემები ნივთის შეძენის შემდეგ.

როგორ მოვუაროთ ტექნიკას,რათა დიდხანს გაძლოს

მიუხედავად იმისა, რომ უდიდესი მნიშვნელობა აქვს ტექნიკის ხარისხს, ასევე დიდი როლი აქვს გამოყენების უნარსაც, რომ დიდხანს გაძლოს და ზედმეტი თავისტკივილი აგარიდოთ. ამ ბლოგში, ინფორმაციასთან ერთად, რჩევებსაც გაგიზიარებთ.

რეგულარული წმენდა

იქნება ეს ჭურჭლის სარეცხი მანქანა, ჩვეულებრივი სარეცხის მანქანა თუ ნებისმიერი სხვა საყოფაცხოვრებო ტექნიკა, რომელსაც რეგულარული წმენდა და მოვლა სჭირდება, აუცილებლად მოსაფრთხილებელი და საყურადღებოა. ამიტომ შეეცადეთ,ზედმეტი ქიმიკატებისა და ხსნარების გარეშე გაწმინდოთ ყოველკვირეულად.

გაითვალისწინეთ, რომ ტექნიკას სჭირდება სივრცე

არ დატოვოთ ტექნიკა სითბოს წყაროსთან ახლოს ან პირდაპირ მზის სხივებზე. ზედმეტმა სიცხემ ან ტენიანობამ შეიძლება დააზიანოს მოწყობილობა.

არ გადატვირთოთ ტექნიკა ფუნქციურად. მაგალითად, ნუ გაუშვებთ ერთდროულად ბევრ მძიმე პროგრამას სუსტი მახასიათებლების მქონე მოწყობილობაზე, ან/და ნუ ჩატვირთავთ სარეცხ მანქანას ზედმეტად. ეს ზრდის ცვეთას და ამცირებს ექსპლუატაციის ვადას.

გამოიყენეთ შესაბამისი აქსესუარები

ყოველთვის გამოიყენეთ მწარმოებლის რეკომენდებული დამტენები, კაბელები და აქსესუარები. უხარისხო დამტენებმა და აქსესუარემა, შესაძლოა, დააზიანოს მოწყობლობის ელემენტი ან რომელიმე სხვა ნაწილი.

განაახლეთ პროგრამული უზრუნველყოფა

მოწყობილობის ოპტიმალურად მუშაობისთვის მნიშვნელოვანია, რომ სისტემური განახლებები დროულად და სწორად იყოს გაშვებული.