Ballu - კომფორტის, საიმედოობისა და ტექნოლოგიური პროგრესის სტანდარტი

BALLU-ს ბრენდის შესახებ, შესაძლოა, ძალიან ცოტა რამ გაგიგიათ, არადა ბაზარზე ერთ-ერთი ყველაზე წარმოსადეგი, ხელმისაწვდომი და გამძლე პროდუქციის მწარმოებელია. ჩინური წარმოების ბრენდი სპეციალიზებულია კლიმატური და საინჟინრო აღჭურვილობის წარმოებაში. მათ მიერ წარმოებულია გათბობა-გაგრილების 300-ზე მეტი მოდელი, რომლებიც გაყიდვაშია Ballu და Ballu Machine-ის ბრენდის სახელწოდებით, წარმატებით გამოიყენება მომხმარებლების მიერ მთელ მსოფლიოში და მათ შორის, საქართველოშიც.

მრავალწლიანი გამოცდილება, საკუთარი კვლევითი ცენტრები და საწარმოო ბაზა, თანამედროვე ტექნოლოგიებში მოწინავე კომპანიას ხდის, მომხმარებლებისთვის კი, ხარისხსა და საიმედოობას უზრუნველყოფს. ბალუს თითოეული პროდუქტი სრული საერთაშორისო და ევროპულ სტანდარტების დაცვითაა შექმნილი. როგორც უკვე აღვნიშნეთ, თანამედროვე ტექნოლოგიების წყალობით, ბრენდი გლობალურ ლიდერად იქცა ელექტრო გამათბობელი კონვექტორების წარმოებაში.

მაინც, რა ტიპის პროდუქციას აწარმოებს ბალუ?

პირველ რიგში, აუცილებლად უნდა აღვნიშნოთ კონდიციონერები. Ballu-ს კონდიცირების სისტემებში ინტეგრირებულია ჰაერის დამუშავების უახლესი ტექნოლოგიები. ბაზარზე არსებული მოდელები კი იმდენად მრავალფეროვანია, ყველანაირი ტიპის მომხმარებლებს საშუალება ეძლევა, მისთვის საუკეთესო ვარიანტი შეარჩიოს, თანაც - ნებისმიერი ტიპის სივრცისთვის.

ბალუ აწარმოებს:

• ინვერტორულ სპლიტ-სისტემებს
• ინვერტორულ მულტი-სპლიტ სისტემებს
• პორტატულ კონდიციონერებს
• იატაკის კონდიციონერებს
• თქვენი ტექნიკისთვის საჭირო აქსესუარებს

რომელია მათ შორის გამორჩეული პროდუქტი?

ჰაერის გამწმენდი აპარატი ყოველდღიურად, უფრო და უფრო პოპულარული ხდება. ის ნამდვილად საჭირო პროდუქტია, რადგან ასუფთავებს ჰაერს მთლიან ოთახში. ხარისხიანი ფილტრის წყალობით, აპარატები მარტივად ასუფთავებენ ჰაერის 99.99%-ს და აშორებენ ალერგიის გამომწვევ მავნე ნაწილაკებს. დამატებითი ფილტრები კი უზრუნველყოფენ ოთახის მტვრისგან, თმისაგან ან ცხოველის ბეწვისგან გათავისუფლებას.

მეორე მხრივ, Ballu-ს ჰაერის დამატენიანებლები ხელს უწყობს ჯანსაღი მიკროკლიმატის აღდგენასა და სუფთა ჰაერის შენარჩუნებას სახლში, რაც სასარგებლოა როგორც ბავშვებისთვის, ასევე მოზრდილებისთვისაც. ბალუს ბრენდი აწარმოებს სხვადასხვა ტიპის ჰაერის დამატენიანებლებს, ზოგიერთი მოდელი კი სპეციალურად ბავშვებისთვისაა განკუთვნილი.

წყლის გამაცხელებლები

Ballu-ს ელექტრო ქვაბები ერთ-ერთი ყველაზე საიმედო და გამძლე პროდუქტია. ბაზარზე არსებული ასორტიმენტი მოიცავს როგორც კომპაქტურ ბრტყელ, ასევე კლასიკურ მრგვალ მოდელებს. ელექტრო ქვაბი, როგორც წესი, უზრუნველყოფს ენერგოეფექტურ გათბობას და ცხელი წყლით მომარაგებას. ელექტრო ქვაბზე შესაძლებელია დაერთდეს მოცულობითი თბომცვლელი ცხელი წყლის მისაღებად, რომლის მართვაც პირდაპირ ქვაბიდანაა შესაძლებელი.

მისი ძირითადი უპირატესობაა მარტივი მონტაჟი - არ საჭიროებს რთული სავენტილაციო სისტემის მოწყობას ან საწვავის შენახვის ადგილს. თანაც, ისინი ბუნებრივ აირზე მომუშავე ქვაბებთან შედარებით, აბსოლუტურად უსაფრთხოა. გარდა ამისა, მუშაობენ ხმაურის გარეშე და არ საჭიროებენ რეგულარულ ტექნიკურ მომსახურებას.

რა პროდუქციას გვთავაზობს მოდუსი?

მოდუსში, მრავლად შეხვდებით ბალუს მიერ წარმოებულ, პრემიუმ ხარისხის პროდუქციას. დაწყებული ელ. გამათბობელი კონვექტორებით, დამთავრებული ჰაერის ტენიანობის გამომშრობებითა და პირიქით - დამატენიანებლებით.

მაგალითად, განვიხილოთ Ballu BD30MN ჰაერის ტენიაობის გამომშრობი. ამჯერად, პროდუქტი წარმოდგენილია შავ ფერში. ცხადია, რომ მოწყობილობის კლასიკური დიზაინი ნებისმიერ ინტერიერს მოერგება. მისი სიმძლავრეა 540 მ³/საათში, რაც საშუალებას აძლევს შეაგროვოს დღეში 30 ლიტრამდე ტენიანობა, აქვს მაღალი ენერგოეფექტურობის კლასი. ჩაშენებული ჩართვისა და გამორთვის ტაიმერის წყალობით, მოწყობილობას შეუძლია იმუშაოს ღამითაც, მაშინ, როდესაც სახლში ყველას სძინავს. ამ დროს, იგი მოიხმარს ელექტროენერგიას ეკონომიურად, რაც დამატებით ხარჯებს თავიდან აგარიდებთ. ამავდროულად, მისი მუშაობის ხმაური მხოლოდ 45 დეციბელია, რაც იმას ნიშნავს, რომ სახლში მის არსებობას ვერც კი იგრძნობთ. გარდა ამისა, ჰაერის იონიზაციის ფუნქცია ხელს უწყობს გაციების თავიდან აცილებასა და ჰაერის გაუმჯობესებას მაშინაც კი, როცა ფანჯარა დახურულია. ყველა სიკეთესთან ერთად, Ballu-ს საშრობი მულტიკომპლექსი აღჭურვილია ეთერზეთებისთვის განკუთვნილი სპეციალური კაფსულით. მოდელი მარტივი გამოსაყენებელი და გადასაადგილებელია, ხოლო კორპუსის გამარტივებული ფორმა ბასრი კუთხეების გარეშე, მას უსაფრთხოს ხდის ბავშვებისთვისაც.

კიდევ ერთი გამორჩეული და განსაკუთრებული პროდუქტი, ინფრაწითელი გამათბობელია (იგივე ტორშერი), რომელიც მყუდრო და კომფორტული ატმოსფეროს შესაქმნელად იდეალური ვარიანტია. შეგიძლიათ გამოიყენოთ როგორც თანამედროვე, ასევე ვინტაჟურ სივრცეში, რადგან ვიზუალით, პრაქტიკულად ყველა ინტერიერს ერგება. ერთი სიტყვით, ინფრაწითელი გამათბობელი არის პრაქტიკულობის, საიმედოობისა და მაქსიმალური ეფექტურობის კომბინაცია ღია ვერანდებისა და ტერიტორიების გასათბობად. გამძლე, უჟანგავი ფოლადის კონსტრუქციის წყალობით, მოწყობილობა განსაკუთრებით ეფექტურია ვიზუალურად, გამოყენებაში კი სტაბილური და უსაფრთხო. გამძლე ნახშირბადის გამაცხელებელი ელემენტი, მაღალი ტენიანობის დაცვის კლასი (IP 44), გათბობის ინტენსივობის სამი რეჟიმი, გადახურებისაგან დამცავი სისტემა და თანამედროვე დიზაინი - ამ მოწყობილობას აქვს ყველაფერი, რათა უზრუნველყოს სითბო და კომფორტი მრავალი წლის განმავლობაში.

საერთო ჯამში, Ballu წარმოადგენს საერთაშორისო დონეზე, მაღალი ხარისხის ბრენდია, რომელიც ქმნის კლიმატურ და საყოფაცხოვრებო ტექნიკის სრულ სისტემას, დაწყებული ელ. გამათბობელი კონვექტორებით, დამთავრებული ჰაერის დამატენიანებლებითა და კონდიციონერებით. მრავალწლიანი გამოცდილება, კვლევითი ცენტრები და თანამედროვე საწარმოო ბაზა კომპანიას აძლევს საშუალებას, აწარმოოს მაღალი ხარისხის, ენერგოეფექტური და საიმედო პროდუქტები, რომლებიც სრულად შეესაბამება საერთაშორისო და ევროპულ სტანდარტებს.

Ballu-ს პროდუქციის მრავალფეროვანი ასორტიმენტი მოიცავს პრემიუმ ხაზის დანადგარებს, გათბობის სისტემებს და ჰაერის გამწმენდ ტექნიკას, მათ შორის - დამატენიანებლებს, წყლის გამაცხელებლებსა და პროფესიონალურ გათბობის მოწყობილობებს. ეს ყოველივე, აკმაყოფილებს სხვადასხვა ტიპის მომხმარებლებს განსხვავებული საჭიროებებითა და ბიუჯეტით.

კომპანიის ტექნოლოგიური განვითარება, ინოვაციები და ხარისხზე მუდმივი ფოკუსი ქმნის მყარ საფუძველს, მისი გლობალური წარმატებისა და მოწინავე პოზიციის შენარჩუნებისთვის. გარდა ამისა, უზრუნველყოფს სტაბილურ ზრდასა და ლიდერობას მომავლისთვის.