ლამინატი - ღირს თუ არა შეძენა და როგორ შევარჩიოთ

ლამინატი ინტერიერის დიზაინშიერთ-ერთი უმნიშვნელოვანესი ელემენტია. სწორი იატაკის შერჩევა არამხოლოდ ესთეტიკის, არამედ კომფორტისა და პრაქტიკულობის გარანტიცაა. ბოლო წლებში, განსაკუთრებით პოპულარული გახდა ლამინირებული იატაკი. თუმცა, ბევრს უჩნდება კითხვა: ნამდვილად ღირს თუ არა ლამინატის შეძენა და რა კრიტერიუმებით უნდა შევარჩიოთ?

ამ ბლოგში, დეტალურად განვიხილავთ ლამინატის უპირატესობებს, ნაკლოვანებებსა და შერჩევის წესებს. ამასთან, გაგიზიარებთ პრაქტიკულ რჩევებს, რაც აუცილებლად გამოგადგებათ თვენთვის ოპტიმალური ვარიანტის არჩევაში.

ლამინატი შედგება რამდენიმე ფენისგან.

ზედა დამცავი ფენა - იცავს იატაკს ნაკაწრებისა და დაზიანებისგან.
დეკორატიული ფენა - არსებობს უამრავი დიზაინი, მაგალითად, ხის, ქვის ან სხვა ტექსტურის იმიტაციით, რაც მომხმარებლებს არჩევანის გაკეთებაში ეხმარება.
მთავარი ფენა (HDF ან MDF) - უზრუნველყოფს გამძლეობასა და სტაბილურობას.
ქვედა ფენა - იცავს ნესტისგან და აძლიერებს სტრუქტურას.

ლამინატი ვიზუალურად ხშირად იმდენად ბუნებრივად ჰგავს მასიურ ხეს, რომ განსხვავება მხოლოდ ყურადღებით დაკვირვებისას ჩანს.

რა უპირატესობები აქვს ლამინატს?

· ფასისა და ხარისხის ბალანსი
ლამინირებული იატაკი ბევრად ხელმისაწვდომია, ვიდრე მასიური ხე ან კერამიკული ფილა, თანაც ვიზუალურად არც ისე განსხვავებულია. ამიტომ, თუ მცირე ბიუჯეტი გაქვთ, შეგიძლიათ, არჩევანი ლამინირებულ იატაკზე შეაჩეროთ.

· მრავალფეროვანი არჩევანი
შესაძლებელია, უამრავი ფერისა და ტექსტურის მქონე ლამინირებული იატაკის შერჩევა - მუხა, თეთრი ხე, ან თუნდაც მარმარილო.

· მარტივი მონტაჟი
ხანდადახან, სპეციალისტთან კონსულტაციის გავლის შემდეგ, მომხმარებლები თვითონ, თავისი ძალით აგებენ ლამინატს, ყველანაირი დახმარების გარეშე. თუმცა, ზოგადად, ჯობს, ეს საქმე მაინც პროფესიონალებს მიანდოთ.

· გამძლეობა და დაცვა
მაღალი კლასის ლამინირებული იატაკი ნაკაწრებსა და დარტყმებს იტანს და უძლებს. სწორედ ამიტომ, ხშირად გამოიყენება ოფისებში და მაღაზიებში, სადაც ცვეთის დონე უფრო მაღალია.

· მარტივი მოვლა
ლამინატის გასაწმენდად, საკმარისია მტვერსასრუტი და რბილი საწმენდები. როგორც წესი, არ საჭიროებს ქიმიურ ხსნარებს თუ რაიმე განსაკუთრებული შემთხვევა არაა.

· ეკოლოგიურად სუფთა
ხარისხიანი ლამინატი მზადდება უსაფრთხო მასალებისგან და არგამოყოფს ჯანმრთელობისთვის მავნე, საშიშ ნივთიერებებს, რაც კიდევ ერთი და მნიშვნელოვანი უპირატესობაა.

როგორ შევარჩიოთ ჩვენთვის ოპტიმალური ლამინატი?

ლამინატის არჩევა შესაძლოა, მარტივი ჩანდეს, თუმცა სინამდვილეში, სწორად შერჩეულმა იატაკმა წლების განმავლობაში უნდა გაძლოს და არ უნდა გახდეს თავიდან დასაგები მცირე ზემოქმედებაზეც კი. რა უნდა გავითვალისწინოთ? პირველ რიგში, სივრცის დატვირთვა, სისქე, AC კლასი, ფერი, მახასიათებლები და სხვ. როცა ამ დეტალებს წინასწარ მოიძიებთ და განსაზღვრავთ, მაღაზიიდან სახლში დაბრუნებულს, აღარ მოგინდებათ პროდუქტის გამოცვლა და ხელში არც ისეთი ზედაპირი შეგრჩებათ, რომელიც ნესტისგან ზიანდება და არც ისეთი, რომელიც ნაკაწრებს მარტივად იჩენს.

გადაწყვიტეთ, სად გსურთ ლამინირებული იატაკის დაგება

ლამინატი, ბუნებრივია, ყველა სივრცისთვის არ არის განკუთვნილი.

სამზარეულოსთვის და შემოსასვლელი სივრცისთვის, სადაც ხშირია ნესტი, წყალი და ცვეთაც მაღალია, ჯობს, ნესტგამძლე მოდელი შეარჩიოთ.
გაითვალისწინეთ, რომ მისაღებში AC3 ან AC4 კლასი გამოგადგებათ, რათა არ გაიხეხოს მარტივად და მცირე ზემოქმედებაზეც კი.
საძინებელში,სადაც ცვეთა დაბალია, შეგიძლიათ აირჩიოთ საშუალო სისქის ლამინირებული იატაკი, რაც ოთახს კომფორტს და სიმყუდროვეს შესძენს.

წინასწარ განსაზღვრეთ სისქე

ლამინატი 6–12 მმ-მდე სისქისაა. თანაც, რაც უფრო სქელია, მით უფრო მყარია და ნაკლებად გამოსცემს ე.წ “ჭრიალის” ხმას.

პატარა ოთახისთვის საკმარისია 8 მმ.
თუ გინდათ, მეტი სიმყარე და კარგი ხმის იზოლაცია, 10–12 მმ-მდე ლამინირებული იატაკი თქვენთვის ოპტიმალური იქნება.

გავრცელებული შეცდომები, რომლებსაც ლამინატის ყიდვის დროს, თავი უნდა აარიდოთ

რემომონტის დაგეგმვის პროცესში ხშირად ხდება ერთი და იმავე შეცდომების გამეორება, განსაკუთრებით მაშინ, როცა მომხმარებელი ცდილობს ხელოსნის გარეშე გაუძღვეს კონკრეტულ საქმიანობას. განსაკუთრებით საყურადღებო - იატაკის დაგების პროცესია. ნებისმიერი შეცდომის შედეგად, შესაძლოა, იატაკის აყრა და თავიდან დაგება მოგიხდეთ.

1. არ შეიძინოთ ლამინატი მხოლოდ ფერის მიხედვით

ხშირად, მომხმარებლები არჩევანსაკეთებენ მხოლოდ ვიზუალზე დაყრდნობით, თანაც ისე, რომ ტექნიკურ მახასიათებლებს საერთოდ არ უკვირდებიან. ამის შედეგი არის ის, რომ ლამინატი მალე იკაწრება ან ნესტზე მარტივად ფუჭდება. სწორი მიდგომაა, რომ წინასწარ განისაზღვროს ოთახის დატვირთვა და შესაბამისად შეირჩეს AC კლასი და სისქე.

2. ზედმეტი წყლით წმენდა

ლამინატის ზედაპირი წყალს დიდი რაოდენობით ვერ აიტანს, თუ ის ნესტგამძლე არაა. ხშირი შეცდომაა იატაკის ჭარბად სველი ხელსაწმენდით ან ორთქლის აპარატით წმენდა. სწორი მეთოდია, ოდნავ ნესტიანი საწმენდი და ნეიტრალური სარეცხი სარეცხი საშუალება, ზედმეტი ქიმიკატების გარეშე.

3. იატაკის გათბობასთან ინტეგრირება

ყველა ლამინატი არ არის გათვლილი იატაკის გათბობასთან ინტეგრირებისთვის. ამიტომ, გირჩევთ, სანამ ნებისმიერ გადაწყვეტილებას მიიღებთ, მაღაზიაში კონსულტანტს გაესაუბროთ ან მწარმოებლის ინსტრუქციას ჩახედოთ. ასე ზედმეტ თავისტკივილს აირიდებთ და არც იატაკის თავიდან დაგება მოგიწევთ, ისევე, როგორც - ზედმეტი ხარჯი.

ერთ-ერთი ყველაზე ინოვაციური პროდუქტი, შესაღები ლამინირებული იატაკის პლინტუსია. AGT-ს ბრენდის SPR-5070 მოდელი მარტივად დასამონტაჟებელი, წყალგამძლე და ადვილად წმენდადია. გარდა ამისა, პლინტუსი ხელს უწყობს კედელსა და იატაკს შორის უთანასწორობის აღმოფხვრას და მედეგია UV სხვივებისადმი.